រឿងរ៉ូមែនទិច ៦ យ៉ាងសម្រាប់មិត្តស្រីរបស់អ្នក
១.បង្កើតឱកាសដើម្បីណាត់ជួបនាង
បង្ហាញក្តីស្រលាញ់របស់អ្នកចំពោះនាងដោយការណាត់ជួប ព្យាយាមនិយាយរឿងផ្សេងៗទាក់ទងនឹងខ្លួនអ្នកជាមួយនាង ហើយប្រាប់នាងឱ្យរៀបរាប់រឿងរ៉ាវរបស់នាងវិញម្តង។ ធ្វើបែបនេះអាចឱ្យនាងមានអារម្មណ៍ថាជីវិតនាងមានន័យនិងធ្វើឱ្យនាងយល់ថាអ្នកពិតជាចាប់អារម្មណ៍នឹងនាងខ្លាំងមែន អ្នកត្រូវតែនិយាយការពិតដើម្បីឱ្យនាងមានទំនុកចិត្តទៅលើអ្នកបន្ថែមទៀត។
២. ការជូនកាដូរផ្សេងៗដើម្បីធ្វើឱ្យនាងភ្ញាក់ផ្អើល
ធ្វើឱ្យនាងភ្ញាក់ផ្អើលដោយជូនរបស់ពិសេសៗដល់នាង របស់ទាំងនោះមិនចាំបាច់ត្រូវតែចំណាយលុយច្រើននោះឡើយ ព្រោះមនុស្សស្រីចូលចិត្តអ្វីៗដែលចេញពីចិត្តរបស់អ្នកផ្ទាល់ ជាជាងទៅលើការចំណាយលុយទិញរបស់ថ្លៃជូននាង ដូចជានំសូកាឡា ឬក៏បាច់ផ្កាដែលនាងចូលចិត្ត វាច្បាស់ជារ៉ូមែនទិចណាស់ ហើយប្រាកដជាអាចឆក់យកបេះដូងពីនាងបានជាមិនខាន។
៣. សរសើរនាង
ការសរសើរគឺពិតជាអស្ចារ្យណាស់ ព្រោះវាធ្វើឱ្យនាងមានអារម្មណ៍ល្អ ហើយវាគឺជាវិធីល្អបំផុតដើម្បីឱ្យនាងមានអារម្មណ៍ពិេសសប្លែក។ សរសើរនូវស្នាមញញឹមរបស់នាង ទង្វើល្អរបស់នាង។ វាជារឿងតូចតាចមែនតែវាមានន័យណាស់ចំពោះនាង ហើយអ្នកមិនត្រូវមើលរំលងរឿងតូចៗបែបនេះឡើយបើសិនអ្នកមិនចង់បាត់បង់រូបនាង។
៤.ឆ្លៀតពេលធ្វើម្ហូបសម្រាប់នាង
ធ្វើម្ហូបពិសេសសម្រាប់អាហារពេលល្ងាច វាគឺជាអ្វីដែលរ៉ូមែនទិច និងធានាថាវាជាវិធីមួយដែលធ្វើឱ្យនាងសរសើរនូវទង្វើល្អរបស់អ្នកជាមិនខាន។ ធ្វើម្ហូបសម្រាប់មិត្តស្រីរបស់អ្នកគឺជាវិធីល្អបំផុតដើម្បីបង្ហាញក្តីស្រលាញ់ដល់នាង ហើយបើសិនជានាងមានអារម្មណ៍មិនល្អ ឬក៏ឈឺ អ្នកមិនចាំបាច់ជូននាងទៅហាងថ្លៃៗ ល្អៗ ដើម្បីបញ្ជាក់ថាអ្នកបារម្ភពីនាងឡើយ ដោយគ្រាន់តែប្រាប់នាងឱ្យដាក់ច្បាប់ពីការងារមួយថ្ងៃដើម្បីបានចម្អិនអារហារជូននាងវាពិតពិសេសណាស់ទៅហើយ។ គ្មានអ្វីដែលរ៉ូមែនទិចជាងមិត្តប្រុសធ្វើម្ហូបសម្រាប់មិត្តស្រីដែលគេស្រលាញ់នោះទេ។
៥. បង្ហាញក្តីស្រលាញ់នៅទីសាធារណៈ
វាគឺជាពេលវេលាមួយដ៏ល្អសម្រាប់បង្ហាញក្តីស្រលាញ់នៅកន្លែងសាធារណៈ អ្នកមិនបាច់អៀននោះទេ
តែក៏មិនត្រូវធ្វើអ្វីដែលហួសហេតុ ខុសប្រពៃណី ពេកនោះដែរ។ មនុស្សស្រីចូលចិត្តបែបនេះនៅពេលដែលអ្នកបង្ហាញការស្រលាញ់ចំពោះមនុស្សគ្រប់គ្នានៅទីសាធារណៈ ដូចជា កាន់ដៃនាងដើរលេង ឬក៏ធ្វើដូចក្មេងៗ ដេញចាប់គ្នា វាយក្បាយគ្នា ឌឺគ្នា ។ល។ កុំមានអារម្មណ៍ថាខ្មាសគេ
ដោយគ្រាន់តែកាន់ដៃនាងនោះ ហើយមិនបានបង្ហាញក្តីស្រលាញ់នៅពេលដែលនាំនាងដើរលេងនោះ។ អ្នកត្រូវតែក្លាហានដើម្បីបង្ហាញថាអ្នកពិតជាស្រលាញ់នាងតែម្នាក់គត់ទៅកាន់ពិភពលោកដ៏ស្រស់បំព្រងមួយនេះ។
៦.ធ្វើល្អដាក់មិត្តភក្តិរបស់នាង
ប្រសិនបើអ្នកចង់ឱ្យនាងចូលចិត្តអ្នក អ្នកត្រូវធ្វើយ៉ាងណាឱ្យមិត្តរបស់នាងចូលចិត្តអ្នកផងដែរ ដូច្នេះត្រូវចាប់ផ្តើម ស្គាល់ពួកគេឱ្យបានច្រើន ប្រសិនបើអ្នកនិងនាងមានគម្រោងអនាគតជាមួយគ្នា ព្រោះវាអាចជួយឱ្យអ្នកស្គាល់នាងកាន់តែច្បាស់ថែមទៀត។
Post a Comment