វិធីសាស្រ្តទាំង ១២ យ៉ាងដើម្បីបំបាត់ភាពខ្ចិលច្រអូស

អ្វីគឺជាភាពខ្ចិល? វាគឺជាការប្រឆាំងផ្លូវចិត្តរវាងការអត់ធ្មត់ នឹងការធ្វើសកម្មភាព ហើយវាគឺជាភាព អសកម្មដែលធ្វើឲ្យអ្វីៗគ្មានការប្រែប្រួល ដោយសារតែអ្នកមិនបានចូលរួមធ្វើវា។ ពេលខ្លះអ្នកបាន ទទួលភាពរីករាយដោយសារភាពខ្ចិល ដូចជា ក្រោយពេលធ្វើការអស់ពេលច្រើនម៉ោង រឺនៅថ្ងៃដែល ក្តៅខ្លាំងរឺត្រជាក់ខ្លាំង ប៉ុន្តែបើភាពខ្ចិលនេះវាកើតឡើងញឹកញាប់ពេក ចូរអ្នកបញ្ចប់វាត្រឹមនេះសិន។

ដើម្បីធ្វើកិច្ចការងារឲ្យមានប្រសិទ្ធភាព រស់នៅដោយពេញលេញ និងមានជីវិតជោគជ័យ អ្នកត្រូវរៀន ពីវិធីដើម្បីជំនះភាពខ្ចិល។

ទាំងនេះគឺជាគន្លឹះខ្លះៗដើម្បីជំនះភាពខ្ចិល៖

1. បំបែកការងារឲ្យទៅជាការងារតូចៗ

ជានិច្ចជាកាលអ្នកតែងតែគេចវាសពីការងារដោយសារតែអ្នកឃើញថាវាមានទំហំធំពេក នឿយហត់ ពេក រឺចំណាយពេលវេលារបស់អ្នកច្រើនពេក។ ការបំបែកការងារឲ្យទៅជាបំណែកតូចៗអាចឲ្យអ្នកមានភាពងាយស្រួលក្នុងការដោះ ស្រាយបញ្ហានេះ។ វិធីសាស្ត្រនេះអាចប្រើមិនត្រឹមតែលើកិច្ចការ ប៉ុណ្ណោះទេ តែវាក៏អាចប្រើប្រាស់ចំពោះគោលដៅ រឺអ្វីដេលអ្នកត្រូវធ្វើក៏បាន។ វានឹងធ្វើឲ្យភាពខ្ចិល រលាយបន្តិចម្តងៗ តាមបទពិសោធន៏ដែលយើងមានកន្លងមក។

2. សម្រាក គេង និង ធ្វើលំហាត់ប្រាណ

ក្នុងករណីខ្លះ ភាពខ្ចិលក៏មានការពាក់ពន្ធ័នឹងភាពនឿយហត់ និងខ្វះថាមពល។ បើអ្នកស្ថិតនៅក្នុងករណីនេះ អ្នកត្រូវសម្រាកនិងគេងឲ្យគ្រប់គ្រាន់តាមដែលអ្នកអាចធ្វើបាន និងធ្វើលំហាត់ប្រាណ និងស្រូបយកខ្យល់អាកាសឲ្យបានច្រើនរឹតតែប្រសើរ។ ក្រោយពីការអនុវត្តបែបនេះ អ្នកអាចនឹងចង់ ត្រលប់ទៅធ្វើកិច្ចការរបស់អ្នកវិញ ព្រោះអ្នកបានកម្ចាត់ភាពខ្ចិលរបស់អ្នករួចរាល់ហើយ។

3. កម្លាំងចិត្ត

ពេលខ្លះ មូលហេតុនៃភាពខ្ចិលក៏មានពាក់ពន្ធ័នឹងកម្លាំងចិត្តផងដែរ។ អ្នកអាចពង្រឹងកម្លាំងចិត្ត របស់អ្នកតាមរយៈការធ្វើកិច្ចការអ្វីមួយឲ្យចេញជារូបរាង ហើយគិតពីអត្ថប្រយោជន៏នៃការធ្វើកិច្ចការ រឺការសម្រេច គោលដៅរបស់អ្នក។ អ្នកអាចស្នើរសុំកម្លាំងចិត្តពី ក្រុមគ្រួសារ មិត្តភក្តិ រឺនរណាម្នាក់ ដើម្បីជំរុញឲ្យ អ្នកមានកម្លាំងចិត្តក្នុងការសម្រេចគោលដៅនោះ។

4. មានគោលដៅលើអ្វីរឺនរណាម្នាក់ដែលអ្នកចង់យកគម្រូតាម

ការឆ្លុះបញ្ចាំងពីនរណាម្នាក់ដែលអ្នកចង់យកគម្រូតាម អ្វីដែលអ្នកចង់ធ្វើ គោលដៅដែលអ្នកចង់សម្រេច និងជីវិតដែលអ្នកចង់រស់នៅ អាចផ្តល់កម្លាំងចិត្តឲ្យអ្នកសម្រេចបាន។

5. គិតពីអត្ថប្រយោជន៏

គិតពិចារណាពីអត្ថប្រយោជន៏ដែលអ្នកនឹងបានទទួលបើអ្នកអាចយកឈ្នះភាពខ្ចិលរបស់អ្នក ជំនួស ឲ្យការគិតតែពីភាពលំបាករបស់កិច្ចការនោះ។ ផ្តោតទៅលើភាពលំបាកនៃកិច្ចការ នឹងនាំឲ្យអ្នកមាន ការបាក់ទឹកចិត្ត ខ្លាចរអារ មិនហ៊ានធ្វើកិច្ចការ ហើយបន្ទាប់មកវានឹងឈានទៅរកភាពខ្ចិលភ្លាម។ វាក៏ជាសារៈសំខាន់ ដែលអ្នកផ្តោតអារម្មណ៏និងយកចិត្តទុកដាក់ទៅលើអត្ថប្រយោជន៏ មិនមែនលើ ភាពលំបាករបស់កិច្ចការ។

6. គិតពីហេតុផល

ចូរគិតពីអ្វីដែលនឹងកើតឡើងប្រសិនបើអ្នកធ្លាក់ចូលទៅក្នុងភាពខ្ចិល ហើយមិនបានធ្វើកិច្ចការរបស់ អ្នក។ ចូរគិតពីហេតុផល បើអ្នកមិនបានធ្វើកិច្ចការនោះ តើនឹងមានអ្វីកើតឡើងនៅពេលបន្ទាប់ ហើយបើអ្នកបានធ្វើវានោះនឹងមានអ្វីកើតឡើង ចំណុចនេះអាចនឹងធ្វើឲ្យអ្នកប្តូរចិត្តមកធ្វើកិច្ចការនោះវិញជាមិនខាន។

7. ធ្វើកិច្ចការម្តងមួយៗ

ចូរផ្តោតតែលើកិច្ចការមួយក្នុងពេលតែមួយបានហើយ។ បើអ្នកមានអារម្មណ៏ថាអ្នកមានកិច្ចការជាច្រើន ត្រូវធ្វើ អ្នកនឹងមានអារម្មណ៏ចង់ធ្វើវាតែម្តងឲ្យហើយ នោះភាពខ្ចិលនឹងយកឈ្នះលើអ្នក ។ ដូច្នេះដើម្បី កុំឲ្យភាពខ្ចិលអាចយកឈ្នះអ្នកបាន ចូរធ្វើកិច្ចការម្តងមួយៗ និង ធ្វើដោយយកចិត្តទុកដាក់ មិនយូរមិន ឆាប់អ្នកនឹងអាចសម្រេចកិច្ចការដ៏ច្រើននោះបានជាមិនខាន។

8. ការធ្វើឲ្យចេញរូបរាង

ការស្រមើលស្រមៃរបស់អ្នកនឹងជះឥទ្ធិពលទៅលើគំនិត ទម្លាប់ និងសកម្មភាពរបស់អ្នក។ ការធ្វើ ការស្រមើលស្រមៃនោះឲ្យចេញជារូបរាងនឹងបង្ហាញថា កិច្ចការនោះមានភាពងាយស្រួល មានថាមពល និងទទួលបានការអបអរសាទរផងដែរ។ ចូរធ្វើវាមុនពេលអ្នកចាប់ផ្តើមធ្វើកិច្ចការ រឺគោលដៅរបស់អ្នក ពេលអ្នកមានអារម្មណ៏ថាខ្ចិល រឺពេលដែលអារម្មណ៏អ្នកប្រាប់ថាឲ្យបោះបង់កិច្ចការដែលអ្នកកំពុងធ្វើ ​នោះចោលទៅ។

9. អនុវត្តការបញ្ជាក់អះអាង

ចូរប្រាប់ខ្លួនឯងថា៖

“ខ្ញុំអាចសម្រេចគោលដៅរបស់ខ្ញុំបាន”

“ខ្ញុំមានថាមពលនិងកម្លាំងចិត្តគ្រប់គ្រាន់ដើម្បីធ្វើអ្វីដែលខ្ញុំចង់ធ្វើ”

“ការធ្វើកិច្ចការនឹងធ្វើឲ្យខ្ញុំកាន់តែរឹងមាំ”

“គ្មានអ្វីដែលខ្ញុំមិនអាចធ្វើបាននោះទេ”

អ្នកអាចប្រើពាក្យរឺឃ្លាផ្សេងៗក៏បាន ដើម្បីបញ្ជាក់ថាអ្នកមានលក្ខខណ្ឌគ្រប់គ្រាន់ក្នុងការធ្វើកិច្ចការ នោះបាន។

10. ចាត់ទុកកិច្ចការដូចជាការហាត់ប្រាណ

ការចាត់ទុកកិច្ចការដូចជាការហាត់ប្រាណធ្វើឲ្យអ្នកកាន់តែរឹងមាំ ស្វាហាប់ ម៉ឹងម៉ាត់ និង ជំនះពីភាព ខ្ចិលបាន។ ការអនុវត្តបែបនេះ នឹងធ្វើឲ្យអ្នកកាន់តែអ្នកចង់ធ្វើកិច្ចការប្រសិនបើអ្នកជាមនុស្សចូលចិត្ត ហាត់ប្រាណ។

11. ការបង្អាក់ពេល

ជៀសវាងការបង្អាក់ពេលដែលនាំឲ្យអ្នកមានភាពខ្ចិល។ បើមានអ្វីដែលអ្នកត្រូវធ្វើ ហេតុអ្នកមិនធ្វើវា ភ្លាមៗ ? ហេតុអ្វីអ្នកទុកវាឲ្យគរដូចភ្នំធ្វើអី?

12. រៀនពីមនុស្សដែលមានភាពជោគជ័យ

មើលគំរូរបស់អ្នកមានភាពជោគជ័យ និងវិធីដែលពួកគេអាចយកឈ្នះភាពខ្ចិល ហើយរៀនពីពួកគេ ពិភាក្សាជាមួយពួកគេ និងចូលរួមជាមួយពួកគេ ជាវិធីដ៏ប្រសើរដែលពេលណាមួយអ្នកអាចយក គំរូពីពួកគេមកអនុវត្តដោយខ្លួនឯងនាពេលណាមួយបាន។

ប្រភព: http://gazettekh.com/archives/77